PAZKO ASTEKO AISIALDIKO OPORRALDIAK BERTAN BEHERA GELDITU DIRA |
AISIALDI ZERBITZUKO OPORRALDIAK, BERTAN BEHERA
Familia agurgarriak,
Coronavirusak infektatutako kasuak Euskadin agertu direlarik eta infekzioa handitzea saihesteko intentzioarekin, Osakidetzak eta Osasun Sailak, Gipuzkoako Foru Aldundiarekin batera, gomendio batzuk zabaldu ditu Gipuzkoako gizarte eta osasun zentroetarako, bertan dauden pertsonek izan dezaketen bulnerabilitate egoera dela eta.
Osasun autoritateek eta IMSERSO eta gure antzeko entitateek egindako gomendio hauek jarraituz, ATZEGIKO zuzendaritzak erabaki du Pazko Astean Aisialdi Zerbitzuak antolatutako oporraldiak bertan behera uztea.
Izen emanda zeuden familia guztiei deituko zaie pertsonalki erabakiaren inguruko azalpenak emateko.
Eskerrik asko erabaki hauek ulertzeagatik eta barkatu eragozpenak.